തിരുനെല്ലി:വയനാട് സന്ദർശിക്കാനായി എത്തിയ നെതർലൻഡ് സ്വദേശിയായ 25 വയസുകാരിക്ക് നേരെ തിരുന്നെല്ലി സ്വകാര്യ റിസോർട്ടിലെ ജീവനക്കാരൻ ലൈംഗിക അതിക്രമം നടത്തിയെന്നാണ് പരാതി. തിരുമ്മൽ ചികിത്സയ്ക്കിടെ ലൈംഗിക ബന്ധത്തിന് ആവശ്യപ്പെടുകയും ലൈംഗിക അതിക്രമം നടത്തിയെന്നും പ രാതിയിൽ പറയുന്നു.വിദേശ വനിതയ്ക്ക് പീഡനമേറ്റ വിവരം ഉന്നത ഉദ്യോഗസ്ഥന് പരാതി നൽകി ഒരാഴ്ചയായിട്ടും പോലീസ് അലംഭാവം കാണിക്കുന്നുവെന്നും ആരോപണമുയരുന്നു.കഴിഞ്ഞ ഡിസംബർ മാസം ആദ്യമാണ് ഓൺലൈൻ ബുക്കിങ് വഴി തിരുനെല്ലിയിലെ ക്ലോവ് റിസോർട്ടിൽ യുവതി എത്തിയത്. ലൈംഗിക അതിക്രമത്തിനെതിരെ ഇന്ത്യയിൽ പരാതി നൽകേണ്ടത് എങ്ങനെയാണെന്ന് വിദേശ വനിതയ്ക്ക് അറിയില്ലായിരുന്നു.
തുടർന്നാണ് കഴിഞ്ഞ പതിനാലാം തീയതി യുവതി എഡിജിപിക്ക് e-mail ലൂടെ പരാതി നൽകിയത്. പ്രതിയെ ഉടൻ പിടികൂടിയില്ലെങ്കിൽ സമരപരിപാടികൾ ആരംഭിക്കാനാണ് വിവിധ രാഷ്ട്രീയ കക്ഷികളുടെ തീരുമാനം.
