പാചക വാതക സിലിണ്ടറിന് 200 രൂപയുടെ സബ്സിഡി പ്രഖ്യാപിച്ച് കേന്ദ്ര സർക്കാർ. ലോക്സഭാ തിരഞ്ഞെടുപ്പും അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പും മുന്നിൽ കണ്ടാണ് സബ്സിഡി പുനഃസ്ഥാപിച്ചത്.
ഇതോടെ ഗാർഹിക ഉപഭോക്താക്കൾക്ക് സിലിണ്ടറിന് 200 രൂപയുടെ കിഴിവും പിഎം ഉജ്വല സ്കീമിന് കീഴിലുള്ളവർക്ക് 400 രൂപയുടെ ഇളവും ലഭിക്കും.
എല്ലാ ഗാർഹിക ഉപഭോക്താക്കൾക്കും സിലിണ്ടറിന് 200 രൂപ സബ്സിഡിയും പിഎം ഉജ്വല സ്കീമിന് കീഴിലുള്ളവർക്ക് സബ്സിഡിക്ക് പുറമെ 200 രൂപയുടെ ആനുകൂല്യവും ഉണ്ടാകുമെന്ന് കേന്ദ്ര മന്ത്രി അനുരാഗ് താക്കൂർ പറഞ്ഞു. പ്രധാനമന്ത്രി നരേന്ദ്ര മോദിയുടെ രക്ഷാബന്ധൻ സമ്മാനമായാണ് ഇളവെന്നും അദ്ദേഹം പറഞ്ഞു. ഇന്ന് ചേർന്ന കേന്ദ്ര മന്ത്രിസഭാ യോഗത്തിലാണ് തീരുമാനം.
