കൊച്ചി: മൂന്നര വയസ്സുള്ള പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് ശിക്ഷ വിധിച്ച് കോടതി. എറണാകുളം ചിറ്റാറ്റുകര സ്വദേശി ഷാജിയെ അറുപത് വർഷം കഠിന തടവിനാണ് കോടതി ശിക്ഷിച്ചത്.
പ്രതി 1,50,000 രൂപ പിഴയും നൽകണം. പിഴത്തുക അടച്ചിട്ടില്ലെങ്കിൽ പതിനെട്ട് മാസം കൂടി തടവ് അനുഭവിക്കേണ്ടിവരുമെന്നും കോടതി പറഞ്ഞു. പറവൂർ അതിവേഗ സ്പെഷൽ കോടതിയാണ് പ്രതിയെ ശിക്ഷ വിധിച്ചത്.
2021 സെപ്തംബർ മൂന്നിനാണ് കേസിനാസ്പദമായ സംഭവം. പ്രതിയുടെ വീട്ടിൽ വെച്ചാണ് പെൺകുട്ടി പീഡനത്തിന് ഇരയായത്. വടക്കേക്കര പൊലീസാണ് ഇയാൾക്കെതിരെ കേസെടുത്തത്. പതിമൂന്ന് സാക്ഷികളുടെ മൊഴിയും പൊലീസ് രേഖപ്പെടുത്തിയിരുന്നു.
