ഇന്ത്യൻ റെയിൽവേയിൽ ടെക്നീഷ്യൻ ഒഴിവുകളിലേക്ക് അപേക്ഷ മാർച്ച് ഒമ്പതുമുതൽ സമർപ്പിക്കാം. 9000 ഒഴിവിലേക്കാണ് വിജ്ഞാപനം. ടെക്നീഷ്യൻ ഗ്രേഡ്-ക തസ്തികയിൽ 1100 ഒഴിവും ടെക്നീഷ്യൻ ഗ്രേഡ്-കകക തസ്തികയിൽ 7900 ഒഴിവുമാണുള്ളത്. കംപ്യൂട്ടർ അധിഷ്ഠിത പരീക്ഷ നടത്തിയാവും തിരഞ്ഞെടുപ്പ്.
പ്രായം: ടെക്നീഷ്യൻ ഗ്രേഡ്-I തസ്തികയിൽ 18-36, ടെക്നീഷ്യൻ ഗ്രേഡ്-III തസ്തികയിൽ 18-33. പ്രായപരിധി 01..07.2024 അടിസ്ഥാനമാക്കിയാണ് കണക്കാക്കുക. യോഗ്യത, ഉയർന്ന പ്രായപരിധിയിലെ ഇളവുകൾ തുടങ്ങിയ കൂടുതൽ വിവരങ്ങൾ വിജ്ഞാപനത്തിൽ ലഭിക്കും. യോഗ്യതാപരീക്ഷയുടെ ഫലം കാത്തിരിക്കുന്നവർ അപേക്ഷിക്കാൻ അർഹരല്ല.
ശമ്പളസ്കെയിൽ: ടെക്നീഷ്യൻ ഗ്രേഡ്-I തസ്തികയിൽ ലെവൽ-5, ടെക്നീഷ്യൻ ഗ്രേഡ്-II തസ്തികയിൽ ലെവൽ-2. പരീക്ഷാഫീസ്: വനിതകൾക്കും എസ്.സി, എസ്.ടി, വിഭാഗക്കാർക്കും മതന്യൂനപക്ഷ വിഭാഗങ്ങൾക്കും സാമ്പത്തികമായി പിന്നാക്കം നിൽക്കുന്നവർക്കും (ഇ.ബി.സി.) ട്രാൻസ്ജെന്റേഴ്സിനും 250 രൂപയും (പരീക്ഷയ്ക്ക് ഹാജരായാൽ ഈ തുക മടക്കിനൽകും) മറ്റുള്ളവർക്ക് 500 രൂപയും (പരീക്ഷയ്ക്ക് ഹാജരായാൽ 400 രൂപ മടക്കിനൽകും) ആണ് പരീക്ഷാഫീസ്.
21 റെയിൽവേ റിക്രൂട്ട്മെന്റ് ബോർഡുകളിലായാണ് (ആർ.ആർ.ബി) വിജ്ഞാപനം പ്രസിദ്ധീകരിക്കുക. വിശദവിവരങ്ങളടങ്ങിയ വിജ്ഞാപനം ആർ.ആർ.ബി. വെബ്സൈറ്റുകളിൽ പ്രസിദ്ധീകരിക്കും. തിരുവനന്തപുരം ആർ.ആർ.ബിയുടെ വെബ്സൈറ്റ്: https://www.rrbthiruvananthapuram.gov.in. ഓൺലൈനായാണ് അപേക്ഷിക്കേണ്ടത്. ഏപ്രിൽ എട്ടുവരെ അപേക്ഷിക്കാം.
