വിവിധ ആവശ്യങ്ങൾക്കായി ബാങ്കുകൾ സന്ദർശിക്കുന്നവരാണ് ഭൂരിഭാഗം ആളുകളും. ഒട്ടനവധി സേവനങ്ങൾ അതത് ബാങ്കുകളുടെ ഡിജിറ്റൽ പ്ലാറ്റ്ഫോമുകൾ വഴി വാഗ്ദാനം ചെയ്യുന്നുണ്ടെങ്കിലും, ചില ഘട്ടങ്ങളിൽ ബാങ്കിൽ പോകേണ്ടത് അനിവാര്യമാകാറുണ്ട്. ഇത്തരത്തിൽ ബാങ്കിൽ പോകാൻ ആഗ്രഹിക്കുന്നവർ ഓരോ മാസത്തെയും അവധി ദിനങ്ങൾ ഏതൊക്കെയെന്ന് അറിഞ്ഞിരിക്കുന്നത് നല്ലതാണ്.
റിസർവ് ബാങ്കിന്റെ അവധിക്കാല കലണ്ടർ അനുസരിച്ച് ഓഗസ്റ്റ് മാസത്തിൽ 14 ദിവസങ്ങളിലാണ് ബാങ്ക് അവധി. ഇതിൽ ഓരോ സംസ്ഥാനത്തിനും അവധി ദിനങ്ങൾ വ്യത്യാസപ്പെട്ടേക്കാം. ഇക്കുറി രക്ഷാബന്ധൻ, സ്വാതന്ത്ര്യ ദിനം, ഓണം തുടങ്ങി ഒട്ടനവധി അവധികളാണ് ഉള്ളത്. ഓഗസ്റ്റ് മാസത്തിൽ ഏതൊക്കെ ദിവസങ്ങളിലാണ് ബാങ്ക് അവധിയെന്ന് അറിയാം.
ഓഗസ്റ്റിലെ അവധി ദിനങ്ങൾ
ഓഗസ്റ്റ് 6: ഞായറാഴ്ച
ഓഗസ്റ്റ് 8: ടെൻഡോങ് ലോ റം ഫാത്ത് ആഘോഷം (ഗാംഗ്ടോക്കിൽ അവധി)
ഓഗസ്റ്റ് 12: രണ്ടാം ശനിയാഴ്ച
ഓഗസ്റ്റ് 13: ഞായറാഴ്ച
ഓഗസ്റ്റ് 15: സ്വാതന്ത്ര്യ ദിനം
ഓഗസ്റ്റ് 16: പാഴ്സി പുതുവത്സരം (മുംബൈ ബേലാപൂർ, നാഗ്പൂർ എന്നിവിടങ്ങളിൽ അവധി)
ഓഗസ്റ്റ് 18: ശ്രീമന്ത ശങ്കരദേവന്റ തിഥി (ഗുവാഹത്തിയിൽ അവധി)
ഓഗസ്റ്റ് 20: ഞായറാഴ്ച
ഓഗസ്റ്റ് 26: നാലാമത്തെ ശനിയാഴ്ച
ഓഗസ്റ്റ് 27: ഞായറാഴ്ച
ഓഗസ്റ്റ് 28 : ഒന്നാം ഓണം
ഓഗസ്റ്റ് 29: തിരുവോണം
ഓഗസ്റ്റ് 30: രക്ഷാബന്ധൻ (ജയ്പൂർ, ശ്രീനഗർ എന്നിവിടങ്ങളിൽ അവധി)
ഓഗസ്റ്റ് 31: രക്ഷാബന്ധൻ/ ശ്രീനാരായണഗുരു ജയന്തി (ഗാങ്ടോക്ക്, ഡെറാഡൂൺ, കാൺപൂർ, കൊച്ചി, ലഖ്നൗ, തിരുവനന്തപുരം എന്നിവിടങ്ങളിൽ അവധി)
